Kuch Khud bhi thay afsurda se

Kuch tum bhi hum se rooth gaye

Kuch khud he zakham k aadi thay

Kuch sheeshay haath se chhoot gaye

Kuch khud bhi thay hassaas bohat

Kuch apnay Muqaddar rooth gaye

Kuch tum ko sach se nafrat thi

Kuch hum se na bolay jhoot gaye

Kuch logon nay uksaya tumhen

Kuch apny muqaddar phhoot gaye

Kuch khud itnay mohtaat na thay

Kuch log bhi hum ko loot gaye

Kuch talakh haqaaiq thay itnay

Ke Khuwab he saray toot gaye